#башкирскийязык#олимпиада2022#башҡорттеле# 12 ғинуар 2022 йылда Өфө ҡалаһында башҡорт теле һәм әҙәбиәте буйынса уҙғарылған XXXVI төбәк-ара олимпиадала беҙҙең мәктәптән 10 синыф уҡыусыһы Динмөхәмәтова Динә икенсе турға үтеп, яҡшы һөҙөмтәләр күрһәтеп, Башҡортостан Республикаһының Мәғариф һәм фән министрылығы дипломын алып ҡайтты. Был олимипиадала райондан 7 уҡыусы ҡатнашты. Уҡыусылар төрлө төбәктәрҙән йыйылған: Һамар, Курган, Ырымбур һ.б өлкәләрҙән. Олимпиада Рәми Ғарипов исемендәге Башҡорт республика гимназия-интернатында 2 көн барҙы. Уҡыусылар үҙҙәренә яңы дуҫтар табып ҡайтҡандарҙыр тип ышанабыҙ һәм ихлас ҡотлайбыҙ!