1 октябрь Башҡортостан Республикаһы көнөнә арналған декадник сиктәрендә, башҡорт теле дәрестәрендә 8-9 синыфтар «Башҡортостан тыуған төйәгем» темаһына инша яҙҙылар.
Тыуған республикаға булған һоҡланыуҙарын, сикһеҙ мөхәббәттәрен сағылдыра ине был иншалар. Иҫ киткес матур, бай тәбиғәтле, моңло Башҡортостаныбыҙҙы ян-яҡлап маҡатап яҙылған һүҙҙәр ысын йөрәктән ине.
5а һәм 5б синыфы уҡыусылары араһында «Башҡортостан тыуған илем» исеме аҫтында дәрес-викторина үтте.
Үткәрелгән саралар аша уҡыусылар Башҡортостаныбыҙ тарихына күҙ һалдылар, милли кейемдәр, аш-һыуҙар менән таныштылар. Илебеҙҙең дәүләт символдары тураһында белемдәрен нығыттылар.
Ғөмүмән, Башҡортостан картаһында бөтә республиканы айҡап сыҡтылар.
Был саралар аша уҡыусыларыбыҙҙа тыуған республикабыҙға, туған телебеҙгә ҡарата хөрмәт тәрбиәләү маҡсаты булып тора ине.